NYIMBO CIA IBUKU 140 - 164

  NDUGAKOME TORO ARAHUKA NARUA 1. Ndugakome toro arahuka narua, Wacunga niugukorererwo Ni muthenya mweru.   2. Ndugacuthiririe utonga wa thi-ino. Utonga wa thi-ino ugathira, Waku ndugathira.   3. Ndugataririre ikeno cia thi-ino, Ikeno cia thi ni igathira, Ciake itigathira.   4. Rwimbo rwa gutoria Tukaina na Araika, Tutongoretio ni Jesu Tukiambata iguru.   5. Utheri munene ni ugatutherera Muthenya ucio wa Mwathani Giti-ini kia unene.  (Amina)

  OURIA NGAI ATUIRE MUOYO 1. Ouria Ngai atuire muoyo, Riu onao aria mamwitikagia magatura Magatura muoyo wa tene, Matuku mathira ma guku thi.   2. Maigiiruo muoyo utagathira Kuu matu-ini marikia wira guku thi- ino; Nimakaheo muoyo wa tene nginya tene.   3. Nimagakoruo magiriire Uthamaki-ini wa Gaturume, Tondu nio Makiririirie Mbara cia thi-ino na magerio.   4. Merigiriire ikeno ciao Matu-ini iguru makimenyaga Guku thi-ino gutiri mwago; Ikeno cia thi ni igathira.   5. Metiiruo iruga ria gikeno, Metha-ini yake nimakainaga Na gikeno Tanji ya unene Ni makaheo ni Mwathani.   6. Maithori mao magathira, Nikwirorera uthiu wa Ithe witu; Mwathani ruui ruthaka Kigongona-ini kia aria atheru.  (Amina)

  GWIHOKA MWATHANI WAKWA  1. Ngwihoka Mwathani wakwa, Rugendo-ini ruru. Ngimenyaga ningaheo Muoyo utagathira.   2. Roho aroiga twiharirie. Turi rugendo-ini. Tutikanagonderere, Tondu ari hakuhi guka.   3. Atheru mwimenyererei Muri guku thi-ino. Kuri na muthiro muingi. Na ndeto cia tuhu.   4. Muthenya wa kihikanio Naguo wi hakuhi. Ikirai nguo theru, Mutonye uhiki-ini.   5. Ngwirorera mbutu nyingi. Iri kuu matu-ini. Cia Araika mena macoro Metereire Atheru.   6. Gikeno kia andu aria atheru, Nikumenyerera.  Watho wa Roho uria wa ma. Mari rugendo-ini.   7. Ngwihoka mukuri wakwa. Uria wangurire. Agiikurukia unene, Ngoro-ini yakwa.   8. Muthenya uria wa gikeno, Ni umwe wa kwambata. Atheru makerorera Uthamaki wa Ithe.   9. Roho niwe mutongoria Na nowe mwihoko, Wa aria Atheru mari thi ino, Mari na magerio.   10. Muthi wa mbara cia thi-ino, Naguo ni ugakinya. Ngoro ikigethwo iria theru, Ciinuke matu-ini.   11. Aria othe mamuregire, N...

 MWATHANI WITU RIRIA ANYITIRWO 1. Mwathani witu riria anyitirwo, Akiendio mbia ni Judasi. Agituirwo ciira utari Kihoto kana uira. Thaa kenda nirio Jesu oigire. Eloi, Eloi, Lamasabakithani, Na Ngai wakwa ni wandiga.   2. Makianirira mwambei Mutharaba iguru. Pilato akioya mai agithamba, Ndakae kugia ngwataniro.   3. Kamugunda-ini niho Ahoeire e na kieha, Agithithina thakame Handu ha thithino.   4. Hau ahoeire niho Petoro oire ruhiu. Nake agitinia ndungata, Ya Muthinjiri gutu.   5. Mwathani akiira Petro Cokia ruhiu rwaku, Akiringa kiama agicokia  Ndugata iyo gutu.   6.  Jesu atuikana bururi wothe Ugethigithania Muthigari uria wamuikaritie Akiuga nama oima muru wa Ngai. (Amina)

  ROHO ARI NA MAITHORI   1. Roho ari na maithori Akiririra miiri. Yagite wihokeku Wa maciaro ma Roho.   Cuthiriria maciaro Ma Roho mothe kenda. Atuire acayagira Mahingagio miiri-ini.   2. Ria mbere ni kwendana, Ria keri ni gikeno. Gatatu ni uhoreri, Niguo watho wa Roho.   3. Ria kana kiririria, Gatano gutugana. Nario ria gatandatu, Ni gwikanaga wega   4. Mugwanja kwihokeka, Kanana nikwinyihia. Ria kenda menyerera, Mwiri niguo hekaru.   5. Na kwaga kumahingia, Nikuo kuruma Roho. Na umenye ndukoherwo Ori kana o nari.   6. Twaremete Jehova Niguo Jesu okire. Na twamwamba muti-ini, Akihoya twoherwo.   7. Jesu mwene nioigire, Mutikarume Roho Ni Ngai muiguithania. Muhingia ciiraniro.   (Amina)

 MUGAMBO WA JEHOVA RIU NI MUKINYU 1. Mugambo wa Jehova riu ni mukinyu Ukimenyithania wega ndungata ciitherie (x2)   2. Gaturume wa Ngai niwe muira wama. Tondu nierutire agituika igongona (x2).   3. Ndacokire na thutha kana agitigira. Niatiganiirie mwiri agikenia Jehova (x2).   4. Ndungata cia Jehova rugamai wega. Mugitheragiai wega murutwo igongona (x2).   5. Mutigacoke thutha kana mwitigire, Niguo muhote ciira wa thi na wa iguru (x2)   6. Utheri wunyu inyuothe niguo ugucirithia. Aremi na akararia na aregi gwitika (x2).   7. Thakame yanyu inyuothe niyo igucirithia. Nduriri ciothe cia thi na ningi Araika (x2).   8. Wihotorei uthingu na ningi uhoreni. Na kwinyihia makiria na ningi kwendana (x2).   9. Gaturume atoririe e na wendo muingi. Na inyui riu mutorie mwi na wendo muingi (x2).  (Amina)

  ROHO MUTHERU ARENDA UTHERU 1. Roho mutheru arenda utheru witherie. Waga gwitheria niagugutiganiria.   2. Menyerera Roho Mutheru waku. Ikiro-ini ciothe wanamuhurithia. Mugutongoria ndakanagucirithie.   3. Wirutanirie muno utonye iguru, Mwiri urehita ukoiga nama ndungithii. Naguo muoyo ukoiga ngatuura iguru, Muoyo ugakena muno wahota mwiri.   4. Wimenyererei matuku maya, Nimo marathirwo ni Anabii a tene. Ni matuku moru mena mihang’o, Muthaithe Roho muno amuhungurie.   5. Githethuko kiri na Atumwo iguru, Hamwe na Anabii ningi na Araika. Makiurania Roho kai ukambata ri? Waganu uria uria thi uitiririo mwaki?   6. Nake Roho akoiga ndigairie hanini, Kuri ngoro itigairie kurutwo nduma-ini. Nanii githethuko nikinginyiriire, Hinge wira wakwa thii ngahuruke.   7. Roho ekuga matuku ni mathiru, Makumuthaitha muikare utheru-ini Niekuhinga wira ainuke akahuruke.   (Amina)

 TWI ITURA RIA UTHERU   1. Twi itura-ini ria atheru, Jerusalem njeru. Ni itura ithaka ma, Naria gwithagathagiruo Twetereire mugambo, Wa coro na Araika, Nake Jesu acoke oke, Acirithie nduriri.   2. Ni gikeno kinene, Ngikenera Mwathani Roho wakwa uigitwo, Jerusalemu njeru.   3. Mundu o wothe nietherie, Akimenyaga wega. Hau niho gicungi, Kia aria meguthii iguru.   4. Roho niwe mwihoko, Mwega wa guthambania O nginya twagirire Tutuike aguthii iguru.   5. Hindi ino ndi mbara-ini, Ngigiana na mehia. Na mwiri na thakame, Ngwihoka gutorania   6. Tuthiaga matu-ini, Twi meri-ini ya Roho. Twetereire muthenya Ukinye tukahuruke.  (Amina)

  JEHOVA AGETANA IGURU 1. Jehova agetana iguru, Mucemanio niundu ki? Ni arihe andu othe utungati, Uria matungatite;   2. Jehova agitua maciira, Ngoma niki akarihuo, Ni ruo akanengererio, Arugaire andu ake.   3. Mambiririe kumuruma, Na kumutetia muno, Othe marungii mwaki-ini Mena ruo runene.   4. Rwimbo rwa kugoca ngoma Rukainagwo atia hihi ? Thikiriria uria rukainwo, Andu makoigaga mbu,   5. Makoiga mbu magwatiirie, Tondu mendire Shaitani Na ngoro ciao me thi   6. Nakio giti gia Shaitani, Ngai akoiga kiigwo ha? Kiigwo riko gatagati Shaitani agiikarire,   7. Nacio thigari cia ngoma Cigwo ndogo-ini iria nene, Magatura thina-ini. (Amina)

 JESU AKIAMBWO NIEHOKETE   1. Jesu akiambwo niehokete Nitugatherio niwe; Koruo ndehokete Ndangiendire kuragwo: Mwarega Roho Mutheru Mukahonokio niki?   Utheri mwega ma na ukengi; Nduma igathira; Ungimena mehia no magutige. Thikiriria   2. Kirima-ini gia Sinai Mwathani niehitire, Akihe Musa mathani Akimwira uria ukandega: Niagatuirwo ciira uuru O hamwe na muikari.   3. Anania ni ehithite Kuri andu aria etikia Tondu wa wendi wa mbia Petero akimumenya Mena muka Safira Gutiri woimire hau.   4. Aria mathomire tene Matiri na munyaka Tondu wa guthoma tene  Na gucoka mehia-ini; Nimakinyiriiruo ni thimo iria Ya ngui na ngurwe.  (Amina)

  NDUMIRIRI NIYAKINYA   1.  Ndumiririri niyakinya, kuri ndungata cia Ngai  Othe meyohanie hamwe, mahanane na ithe witu     2.  Mundu uria ukuremwo, ni wendo wa ngwataniro  Ucio niwe ukuninwo, nimarakara ma Ngai     3.  Mundu ukurega gukira, kweherera mihianano  Roho ekuga niegukira amutigire Shaitini    4.  Mwitheriei mwiharirie, tondu kwina nduma nene  Iria igukorerera, ndungata ciothe cia ngoma.    5.  Ririkanai riria ndatiganiirie andu akwa,  Magiukirirwo ni nyoka, nginya riria mangaiire.    6.  Kiriro mucii wa iguru, kuri ndungata cia Ngai  Tondu wagutungatira, Ngai nyingi muhianano.    7.  Gikeno mucii wa iguru, tondu wa ndungata theru.  Tondu Ngai ni mutheru, ithe na muriu na Roho   (Amina)

 TWETEREIRE KI THI-INO 1.  Twetereire ki thi-ino?  Twetereire gugathii thi ingi njeru.  Nikuo tukahuruka,  Twetereire uthamaki  Wa ithe witu.     Arutwo a Mwathani  Haria magomanite  Niho thu iri.    2.  Murutwo umwe wa tene,  Ni erirwo athii Nineve akiregaga.  Nake akienda kwiayatha,  Na njira iria ateritwo ni Mwathani     3.  Niahaicire meli,  Yakinya iria-ini ikirugama  Agiikio iria-ini,  Akimerio ni nyoka agitwaruo kuo.    4 .  Mwathani ari Galili,  Niekire undu munene akigegania.  Niagarurire mai,  Magituika ndibei kihikanio-ini     5.  Mwathani ari guku thi  Nierire arutwo ake migambo ino:  Ngumutigira Roho  Ndimutiga ta ciana cia ngoriai.   (Amina)

  MATUKU MAKWA MARIA NDI GUKU THI 1.  Matuku makwa maria ndi guku thi  Ninjui mothe nima thina.  Nii ninjui ngahuruka iguru.    2.  Ngurora ciikaro ciothe cia thi-ino.  Ndingihota kuona kihuruko.  No thina muingi ndi rugendo-ini.     3.  Rugendo rwakwa rwathira thi-ino  Ninjui wega ngahuruka,  Ingiikara njuthiriirie iguru.    4.  Roho e gutwira tukire na ihenya.  Turute wira wake thi-ino.  Gucoka gwake kwi hakuhi.     5.  Anyinyi na anene ukirai inyuothe.  Tuinire Jesu niacokete.  Kurathimwo ni aria matereire.    6.  Mundu ririkana tanji ya iguru.  Iria uigiiruo wahuruka.  Ririkana wira wa ithe witu.    7.  Kihuruko gia thi gitiri kindu.  Mucii wa iguru niukamenya.  Ihinda riathira Jesu acoke.   (Amina)

  MUNENE WA NGORO CIITU   1.  Munene wa ngoro ciitu,  Ni athamakaga matu-ini.  Na agathamaka guku thi.  Na hinya umite iguru, Haleluya.    2.  Ungiikarania na Jesu,  Nduri na thina urionaga.  No utugi.  muingi urionaga,  Uria ugatugagwo ni Jesu, Haleluya.    3.  Ungienda hinya munene,  Witie matu-ini kwi Jesu.  Waikurukirio ta mbura,  Ta uria Jesu ahoire  Agitoria thu shaitani, Haleluya.     4.  Rirai mukianukaga,  Niundu wa kuria na kunyua.  Na kuhoya mihianano,  Iria ya guku ya tene Haleluya.    5.  Kenai na muiguane,  Ngoro cianyu ciikarage  Irorete Hari Jesu.  Tondu mukona Mwathani, Haleluya.  (Amina)

  MUGAMBO WO ROHO NIUKWONANIA   1.  Mugambo wo Roho niukwonania,  Niarathagathaga andu ake,  Aria mekwiyamurania na thi.  Magathamake hamwe na Jesû.    2.  Mugambo wa Roho niukuonania,  Magetha ma Roho ni makinyu.  Na inyui aria athingu mwitheriei biu.  Mutari na thiea rugendo-ini.     3.  Ngutoria ndi na inyui rugendo-ini.  Mwathika na mwaigua watho wakwa.  Mutari na nganja rugendo-ini.  Ngoro ciyuritwo ni wendani.     4.  Waganu ni muite nduriri-ini.  Na ikeno na miago guku thi.  Na inyui aria Atheru mwihande ma.  Muikare utheru-ini ndi hakuhi.    5.  Magerio na mbara iria mwonaga.  Mutigaciona kuu matu-ini.  Hamwe na mwiri igatigwo thi ino.  Twambate na mwiri wa kiroho.     6.  Haleluya ruimbo nitukainaga  Turigiciirio ni ita cia iguru.  Tukengete ta njata cia iguru.   Niundu wa kwihoka Mwathani. ...

  HINDI IRIA KIRIKANIRO   1.  Hindi iria kirikaniro  Gikahingia wira;  Andu aria mathuire Roho  Ni makona thina.    Marakara ma Ngai magaitiririo  Andu aria matari na Roho;  Nimakaherithio na matuhuhu  Maria mugwanja.     2.  Niagetia itharia utharania  Na aici uici wao  Atue cira na kihoto,  Tondu ni kihoto.    3.  Itonga ona Athamaki  Matuku-ini macio;  Makaruta mbia nyingi,  Magacarie Roho.   4.  Mugambo niukoima iguru  Giti-ini kia unene;  Uuge uthamaki wa thi-ino,  Niwa Gaturume     5.  Kiugo giake gikahinga  Kiria oigire arungii;  Na Pilato niukanyona,  Ngiuka gutua ciira.  (Amina)

  O MUTHENYA TWIGOCAGA NA ITURA RIU   1.  O muthenya twigocaga  Na itura riu ritu  Nirio twakagirwo iguru  Jesu niwe wakaga.     Korwo nyuma  Na mathagu makwa  Ota ma Araika.  Ningwiyuria kana  Ni ngakinya okuu Zayuni.     2.  Ona ningi nyumba cia kuo,  Ihana ta thahabu.  Nicio ikirite ciothe  Iria ciakagwo ni andu.     3.  Ona ningi hamerete  Muti uri na muoyo.  Uri na mathangu maguo.  Ni mahonagia andu.     4.  Jesu tuhingure maitho  Tukwirorere  Na tuthikiririe watho  Wa Muhonokia witu.     5.  Ona ningi giti giake  Kiroima mai me muoyo.  Marahenahenia muno,  Mahana ta gicango.  (Amina)

  HINDI INO NI YA KUMENYA   1.  Hindi ino ni ya kumenya  Roho Mutheru ni igai  Inene twaheirwo twaheirwo  Niguo twirute kumenya Ngai  Tumenyere watho wa ithe witu     2.  Tondu niwe kimenyithia  Gia kumenyithia andu aria atheru  Guku thi, guku thi.  Mukinyukirie na muturire  Wa njira theru tugithii Zayuni     3.  Maitho mao ni monaga  Na matu mao ni maiguaga  Na ngoro ihetwo kumenya, kumenya  Mugambo wa Roho mutongoria  Rugendo ruru tugithii Zayuni     4.  Mwathani witu aroraga  Ngoro citu utuku na muthenya  Guku thi guku thi.  Ni kumenya turi rugendo-ini  Na mbara nene tugithii matu-ini     5.  Roho mwihokeku wa atheru  Rugendo-ini rwa guthii matui-ini  Nioi ma nioi ma.  Wendo wa atheru na ngwataniro  Ya andu aria atheru irehage gutoria     6.  Wirute ndukahuruke  Kumenya Ngai ni ngwataniro ...

  RUGENDO RWAKWA RWA MUOYO  1.  Rugendo rwakwa rwa muoyo,  Ngakinya iguru.  Ng’endo cia guku thi-ino  Na ikeno cia thi-ino ni ikariganira.     2.  Tene wakwa wothe ndaikarite thi,  Ndiamenyaga wega njira ya muoyo.  No Mwathani wakwa  Muriithi wa muoyo wamenyithirie.     3.  Ikeno cia guku thi-ino itiri bata,  Mwago wa gutoria wi kuria iguru.  Gikeno kia muoyo twanina rugendo tukahuruka    4.  Riria twi guku thi twi rugendo-ini,  Twetereire o kuona muoyo wa iguru.  Gikeno na muoyo wa tene na tene tukona miago     5.  Giikaro kia muoyo tugatonya kuo,  Twanina rugendo na mbara cia thi-ino.  Tugaikara nake Giti-ini kia muoyo tene na tene    6.  Rwimbo rwa gutoria tukaruinaga,  Tukigocaga Jesu Muriithi witu.  Muriithi wa muoyo,  Rwihibo rwa gutoria tukaruinaga.   (Amina)

  NDAMUTHAITHA MUKIRIA MUGATE UYU   1.  Ndamuthaitha mukiria mugate uyu  Mutongoragio ni ma  Mwaririkana Jehova Ngai ari ho  Na Jesu na Roho an Araiaka.     Ndamuthaitha, athuri na atumia  Na anake na airitu;  Ona tukenge mukiria mugate uyu,  Roho ekuuga mundu etuiragie.     2.  Hindi ciothe mukiria mugate uyu  Mutongoragio ni ma  Mwaririkana Jehova Ngai ari ho  Na Roho na araika     3.  Nguga nama mundu aria mugate uyu,  E na hitho ngoro-ini,  Niagutuirwo ciira uuru nginya matu-ini  O ta ari we wambire Mwathani     4.  Anabii na atumwo a Gaturume,  Nio aira a mugate uyu,  Matuthaithire mena maithori maingi;  Tukiwamukira twituiragie     5.  Mugate uyu Judasi auriire  E na hitho ngoro-ini  Awamukira Shaitani akimuiyura,  Akiarahuka metha-ini akiura     6.  Musa niaheire ciana cia Isiraeli  Rwiga...

  JOHANA NI ONIRE JESU   1.  Johana ni onire Jesu,  E na mwago matu-ini,  Githama-ini kia Patimo,  Hindi iria oimirirwo.     Ni muthinjiri muitiririe,  Maguta makumwamura,  Kuuma iguru na thi.     2.  Aikitio ho ni thu ciake,  Nigetha akuire ho,  Tondu wa uhoro wa Ngai,  Na uira wa Jesu.     3.  Ni ngugoca muthamaki,  Muthinjiri witu,  Mutheru na mwihokeku,  Munene uri kihoto.     4.  Itugi-ini iria mugwanja,  Cia gucuria tawa,  Miti-ini iria ya thahabu  Niho Jesu arungii.     5.  Uthiu wake ni mutheru,  Ta riua ni hinya,  Namo maitho mahanaga  Taari ruririmbi.     6.  Ni ehumbite nguo njeru,  Yakinya nyariri,  Mucibi wa kwihotora,  Ni uria wa thahabu.     7.  Njuiri iria iri mutwe wake,  Yeruhite o ta ira,  Nako kanua nita ruhiu Rwa kuriira nduriri     8....

  ARIA MEGUTHAMBIA NGUO   1.  Aria meguthambia nguo,  Na thakame ya Mwathani;  Megutongorio ni Roho.     Aria othe athingu  Nio magathera,  Na utheri uhana wa riua,  Riria magakinya iguru  Kuria ithe witu athanaga.     2.  Mwathani niakahingura,  Nyumba iria itagwo theru,  Muromo-ini ni uhonokio,  Na iti ciayo ni uthamaki.     3.  Aria maturaga iguru,  Mekuria aya moimite kuu,  Aya me na nguo njeru  Marigiciirie Mwathani?     4.  Moimite minyamaro-ini,  Magethura mioyo yao,  O na matuirwo kuragwo  Matiehereire Mwathani.     5.  Nicio ndungata cia Roho  Cia kuga thi kwi mutino;  Mekugayana uthamaki  Hamwe na Mwathani wao.   (Amina)

  MUTHIGARI URIA MWEGA   1.  Muthigari uria mwega  Ni uria uruagira.  Uthamaki na hinya  Utuku na muthenya.  Niwe uheagwo thumbi  Arikia kuhotana.     2.  Thigari cia Jehova  Utatu mutheru.  Rugamai na hinya  Muhuhi wa coro.  Arugamite riera-ini  Kinya tuhotane.    3.  Twarikia kuhotana  Mugambo wa coro,  Niukahuhwo riera-ini  Nacio thi na iguru.  Ni igakunjwo cieherio  Uthiu-ini wa Jehova     4.  Hindi iyo Gaturume  Niakoneka arungii  Kirima gia Zayuni  Hamwe na aria atheru.  Mahote mbara-ini  Kuuma ituri cia thi.     5.  Niageta aria atheru  Niguo mahuruke.  Namo maithori mao  Matuike gikeno.  Nduriri cia thi yothe  Ikarira na kieha.     6.  No aria marutire  Mawira ma tuhu.  Nguria niki makona  Guoko-ini kwa Ngai?  No ituiro ria kihoto  Maiorio mwa...

  MWATHANI IGUA THA NDIKAHOTWO   1.  Mwathani igua tha ndikahotwo.  Ni ngoma rugendo-ini.  Ni rwa ngaragu na nyota,  Mwathani nduthaitire.    2.  Ngiona thina na magerio,  Mwathani wakwa e mbere.  Ndigacoka gwa Caitani,   Njirigiriire muoyo.     3.  Ingimenwo ni arata othe  O hamwe na aciari akwa.  Ndinengerete Mukuri.  Anjike uria e kwenda.    4.  Roho wakwa mwaririria.  Ndukandige ndi thi ino.  Nigukorwo ndi o muthini,  Ongoro yakwa thi-ini.     5.  Ningenaga muno muno  Nikunjiuria Roho.  Urogocwo urokumio  Ni irindi iria ikwendete.    6.  Muhunokia Jesu witu.  Niagoka na mumenye  Tondu ti muru wa Adamu.  Ahingagia ciiraniro     7.  Nguuga shaitani arohotwo.  Mucukani uri hitho.  Nigetha tuthii rugendo  Tugikinye Zayuni.     8.  Gikeno tukona iguru.  Twa...

  RUGENDO RURU TI RWA GIKENO   1.  Rugendo ruru ti rwa gikeno.  Ni rwa kurumwo na kunyururio.  Wihoke Ngai Murithi waku.     2.  Wehoka Ngai Muriithi waku.  Niarikuonagia maundu mega,  Maria moru akweheragirie.    3.  Thi-ino nduire njetagirira.  Tondu nioigire niagacoka ringi.  Kuiyira ngoro iria cieregire.  Cieiegire ngoro na mwiri.     4.  Ngai mwene niarutire  Mwana wake umwe wa mumwe,  Nigetha atukuire mehia-ini.  Nigetha tukona utuuro.    5.  Caitani ni etire Adamu.  Mwaria muti ucio wa umiriru,  Mukuhiga ota Mwathani     6.  Ngai mwene ni murakaru.  Ni ngoro iria imwihokete.  Na riu icokete na thutha.  Nigetha ikuire mehia-ini.    7.  Ona aria mambire Mwathani.  Makamwona giti-ini kia unene.  Ithe na Mwana hamwe na Roho.    8.  Cuthiririai mwiri-ini wake,  Muone nimukuona n...